Առավոտյան ընդհանուր պարապմունք

Հոկտեմբերի 10 - /Առավոտյան ընդհանուր պարապմունքի ծրագիր/

Ընդհանուր պարապմունքը կվարեն՝ Մանե Օհանջանյան, Ժասմին Պետրոսյան, Մարիամ Մելիքյան, Մերի Ներսիսյան, Ալլա Առաքելյան

Երգեր, պարերգեր

Ընթերցանության նյութեր

Հոկտեմբերի 10 ժամը՝ 9։00-9։15

• Միասնական ընթերցում-Աշուն /Համո Սահյան/-
• Ինտերակտիվ հարցաշար և հետաքրքիր փաստեր տիեզերքի մասին
• Պարերգ` Սև Գյուլի
• Միասնական ընթերցում /Ժայռից մասուր է կաթում․․․/
• Պար՝ Փափուռի

Միասնական ընթերցում․

Աշուն / Համո Սահյան/

Մշուշների շղարշի տակ
Աշնան խաշամն է խշշում,

Քամու ձեռքերն անհամարձակ

Ամպի փեշերն են քաշքշում:  

Ամպը լեզուն կուլ է տվել
Հնար չունի որոտալու,
Ցերեկն էլ է ցրտից կծկվել,
Չէ, երևի ձյուն է գալու:

Տիեզերք /Ինտերակտիվ-հարցաշար/

1․ Որքա՞ն մոլորակ կա Արեգակնային համակարգում?

2․ Ո՞ր կենդանին է առաջին անգամ եղել տիեզերքում։ Ինչպես էր նրա անունը?

/Առաջին կենդանին, որը դուրս եկավ Երկրի ուղեծիր, Լայկա անունով շունն էր, 1957 թ․-ին  Sputnik 2 խորհրդային տիեզերանավով պտտվեց  Երկրի շուրջը/։

3․ Ճ՞իշտ է արդյոք, որ Արեգակնային համակարգից դեռևս ոչ մի տիեզերանավ դուրս չի եկել։

/«Վոյաջեր 1»-ը, որը արձակվել է 1977 թվականին, Արեգակնային համակարգի սահմանգծին է հասել և այն հատել 2012 թվականին։ Այն դարձավ առաջին արհեստական օբյեկտը, որը դուրս եկավ միջաստղային տարածություն/։

4․ Ո՞վ է առաջինն ուղղել դիտակը դեպի երկինք, դարձնելով այն աստղադիտակ, և ստացել է առաջին գիտական տվյալները։

/1609 թ-ին իտալացի ֆիզիկոս, մաթեմատիկոս և աստղագետ Գալիլեո Գալիլեյը իր ձեռքերով պատրաստեց մի դիտակ և այն ուղղեց դեպի աստղալից երկինք: Գալիլեյի դիտակը մեծացնում էր ընդամենը 3 անգամ, սակայն դրա օգնությամբ գիտնականը  բազմաթիվ նոր երկնային մարմիններ տեսավ և այնքան պայծառ, ինչպես ոչ ոք դեռևս չէր տեսել/: 

5․ Մարսի վրա երբևէ մարդ եղել է?

/Մարսը մեզանից ընդամենը 54,717,696 կմ հեռավորության վրա է։ Սա այնքան էլ շատ չէ տիեզերական հեռավորությունների համատեքստում, սակայն մարդիկ դեռևս ոտք չեն դրել Կարմիր մոլորակի վրա։ Դա սպասվում է մոտակա 4 տարիների ընթացքում/։ 

6․ Արեգակնային համակարգի 8 մոլորակների թվում կա՞ն արդյոք այնպիսիք, որոնց երբևիցե չեն մոտեցել տիեզերանավերը։

/Տիեզերանավերը մոտեցել են Արեգակնային համակարգի բոլոր մոլորակներին։ Նրանք հասել ու պտտվել են Ուրանի և Նեպտունի կողքով, մտել են Մերկուրիի, Յուպիտերի և Սատուրնի ուղեծրերը և վայրէջք կատարել Մարսի և Վեներայի մակերեսին:

7․ Կարո՞ղ եք ասել, թե քանի արևածագ և մայրամուտ են տեսնում Միջազգային Տիեզերական Կայանում գտնվող տիեզերագնացները մեկ օրվա ընթացքում։

/Կայանի տիեզերագնացները ամեն օր տեսնում են 16 արևածագ և մայրամուտ, քանի որ Երկրի շուրջ մեկ պտույտը կայանը կատարում է 90 րոպեն մեկ/:

Շարունակում ենք ուսումնական պարապմունքը միասնական պարերգով՝ Սև Գյուլի։

Միասնական ընթերցում՝

Համո Սահյան

***

Ժայռից մասուր է կաթում,

Կարմիր սարսուռ է կաթում,

Ձորում մշուշ է:
Առուն մասուր է տանում,

Կարմիր սարսուռ է տանում,

Ի՜նչ էլ աշխույժ է:
Առուն բարի է այնպես,

Հասկանալի է այնպես,

Այնպես անուշ է:
Նա երկնչում է քարից,

Բայց երբ թռչում է քարից,

Ահռելի ուժ է:
Առուն ինչպես կլռի,

Սերս եկել է ջրի,

Ձեռքինը կուժ է:
Առուն մասուր է տանում,

Կարմիր սարսուռ է տանում,

Աշուն է, ուշ է:

Մաղթում ենք գիտելիքներով լի հաճելի ուսումնական շաբաթ։