Լույսի միջազգային օր

Նախագիծ՝ Լույսի միջազգային օր CANDLE SRI-ում:

Նախագծի իրականացման օրը՝ հունիսի 9-ը:

Ընդունելով «ՔԵՆԴԼ» ինստիտուտի հրավերը հունիսի 9-ին կրթահամալիրի մի խումբ սովորողներ մեկնելու են CANDLE SRI, որտեղ կարող են գիտական շրջայց կատարել «ՔԵՆԴԼ» ինստիտուտի լաբորատորիաներում և փորձարարական կայաններում:

Լույսի ուսումնասիրությունը հանգեցրել է այլընտրանքային էներգիայի բավականին խոստումնալից աղբյուրների առաջացմանը, հիվանդությունների ախտորոշման և բուժման տեխնոլոգիայի զգալի առաջընթացի, գերարագ ինտերնետի ստեղծմանը և բազմաթիվ այլ հայտնագործությունների, որոնք հեղափոխել են հասարակությունը և ձևավորել մեր պատկերացումները տիեզերքի մասին: Այս տեխնոլոգիաները մշակվել են լույսի հատկությունների դարավոր հիմնարար հետազոտությունների ընթացքում՝ սկսած 1015 թվականին հրատարակված Իբն ալ-Հայթամի «Կիտաբ ալ-Մանազիրից» (Օպտիկայի գիրքը), և ներառյալ 20-րդ դարի սկզբի Էյնշտեյնի աշխատանքը, որը փոխեց ժամանակի մեր ընկալումը։ Ժամանակ և լույս.․․

Լույսի միջազգային օրը նվիրված է և մեկ անգամ ևս կենտրոնացնում է մարդկանց ուշադրությունը լույսի դերի և նշանակության վրա գիտության, մշակույթի և արվեստի, կրթության և կայուն զարգացման, ինչպես նաև այնպիսի ոլորտներում, ինչպիսիք են բժշկությունը, հաղորդակցությունը և էներգետիկան: Այս օրը աշխարհի տարբեր ոլորտներից մարդկանց հնարավորություն է տալիս մասնակցել միջոցառումների, որոնք ցույց են տալիս, թե ինչպես գիտությունը, տեխնոլոգիան, արվեստը և մշակույթը կարող են օգնել հասնել ՅՈՒՆԵՍԿՕ-ի նպատակներին՝ կառուցելու խաղաղ հասարակությունների հիմքը:

Նպատակը՝ 

• սովորողներին ծանոթացնել  լույսի աղբյուրներին և դրանց կիրառություններին, որոնք ուղղված են նանոաշխարհի գաղտնիքների բացահայտմանը;
• էներգիա, էներգիայի աղբյուրներ;
• Էներգիայի տեսակները և փոխակերպումները, այլընտրանքային էներգիա;
• այց ինստիտուտի փորձարարական լաբորատորիաներ;
• Ծանոթացում սինքրոտրոնային լույսին, ազատ էլեկտրոնային լազերներին և այլն:

Ճամփորդության մեկնարկ՝ 

Մեկնում

10:00-երթուղայինների հրապարակ, վերադարձ-15:00:

Ճամփորդության գումարը՝ 500 դրամ:

Մասնակիցներ՝ Միջին և Ավագ դպրոցի սովորողներ:

Միջին դպրոց, 8-րդ դասարան

Մասնակիցներ՝ 8-րդ դասարան

1.Զարգարյան Էլեն 8-7

2.Տեր Սարգսյան Էդիտա 8-7

3.Հարությունյան Նինա 8-7

4.Չոլախյան Սյուզի 8-7

5.Գոմցյան Արսեն 8-4

6.Կնյազյան Գագիկ 8-4

7.Թորոսյան Ալեն 8-4 

8.Գրիգորյան Տիգրան 8-5

9.Եղիազարյան Լուիզա 8-5

Սպասվող արդյունք՝  պատումներ բլոգում, տեսանյութեր:

Ակնկալվող արդյունք՝

• սովորողների տպավորությունների ներկայացումը բլոգում՝ պատումի տեսքով;
• ֆոտոշարերի կամ տեսանյութերի հրապարակում: 

Մարդիկ հազվադեպ են մտածում այդ մասին, բայց լույսը կարևոր դեր է խաղում բոլոր կենդանի էակների կյանքում: Հիմնարար մակարդակում լույսը կյանքի աղբյուր է (ֆոտոսինթեզ):

Ի գիտություն.

Լույսի միջազգային օրը մայիսի 16-ն է: ՅՈՒՆԵՍԿՕ-ի կողմից պաշտոնապես հաստատված ամսաթիվը հաստատուն է և տարեցտարի չի փոխվում: Սա գիտության, լուսավորության և կրթության զարգացման կարևոր ամսաթիվ է:

1960 թվականի մայիսի 16-ին առաջին անգամ տեղի ունեցավ լազերի ցուցադրումը, որը ներկայացնում էր ֆիզիկոս և ինժեներ Թ. Մայմանը: