2020-2021 ուս տարվան ընդառաջ.
Ամառային աշխատանքները բնագիտական լաբորատորիաներում շարունակվում են:
Հուլիսի 6-ին կրթահամալիրի լաբորատորիաներում կայացավ գործնական հանդիպում տնօրենի հետ, որի ընթացքում քննարկվեցին բնագիտական լաբորատորիաների վերազինման հարցերը: Հանդիպումը շատ արդյունավետ էր և կրում էր կառուցողական բնույթ:
Հանդիպումից հետո կատարված աշխատանքները և անհրաժեշտ սարքավորումների ցուցակը ներկայացնում եմ ստորև:
Բնագիտական լաբորատորիաների համար անհրաժեշտ սարքավորումների և գործիքների ցուցակը. (Ֆիզիկայի լաբորատորիա)
հուլիսի 6-14-ն ընկած ժամանակահատվածում կատարված իմ գործունեության մասին.
Այս ընքացքում մանրամասն ուսումնասիրել եմ ֆիզիկայի լաբորատորիայում եղած մեր գործիքների օգտագործման և պիտանելիության անհրաժեշտությունը: Հնարավորինս վերանորոգել ենք որոշ գործիքներ (որոնք դեռևս պիտանի կարող են լինել), առանձնացրել ենք անսարք վիճակում գտնվող չօգտագործվող և կոտրված սարքերը՝ դուրս գրման նպատակով: Նշեմ նաև, որ նշված աշխատանքներին (բնագիտական լաբորատորիաների վերազինման աշխատանքներ) մասնակցել է նաև ավագ դպրոցի դասավանդող Թաթուլ Շահնազարյանը: Մաքրել ու վերակահավորել ենք լաբորատորիան:Կազմել եմ ֆիզիկայի լաբորատորիայի համար անհրաժեշտ սարքավորումների ցուցակ (ցուցակը ներկայացված է word փաստաթղթի տեսքով):Այս շաբաթ մեր բնագիտական կայքում կավելանա նոր բաժին՝ թարգմանությունների և ֆիզիկական տերմինների ծագումնաբանություն բաժինը (Տիար Գևորգի առաջարկությամբ), որտեղ կտեղադրվի Կառլո Ռավելիի «Յոթ էտյուդ ֆիզիկայից» գրքի առաջին մասի թարգմանությունը:Ավելացնեմ նաև, որ այս ընթացքում մասնակցել եմ հունիսյան ֆլեշմոբի խնդիրների իմ կողմից առաջադրվող լուծման տարբերակների ներկայացմանը: Ծանոթացել եմ հեռավար ուսուցման լաբորատորիայի (մասնախմբի) աշխատանքներին և քննարկումներին:
