«Մխիթար Սեբաստացի» կրթահամալիր 2025–2026 ուսումնական տարի․
Ֆիզիկա 7–9 դասարան
Ֆիզիկա (ընտրության խումբ) – դասընթացի ծրագիր
Հեռավար ուսուցման առաջադրանքների փաթեթ
Գործնական ֆիզիկայի փաթեթ (Միջին դպրոց՝ 7–9 դասարան)
Ֆիզիկայի փորձարարական առաջադրանքների փաթեթ
Առարկայական փաթեթների ամբողջությունը՝ այստեղ
Ֆիզիկա առարկայի ուսուցման նպատակը՝ զարգացնել սովորողների գիտական մտածողությունը, բնության հետազոտման ժամանակակից մեթոդներին տիրապետելու, ֆիզիկական երևույթները վերլուծելու և դրանք կիրառելու կարողություններ, ապահովել սովորողների ֆիզիկական գիտելիքների հիմք՝ հետագա կրթության և մասնագիտական կողմնորոշման համար, ձևավորել սովորողների մոտ պատասխանատու և արժեհամակարգային մոտեցում շրջակա աշխարհի նկատմամբ:
Դասընթացի խնդիրները՝ ձևավորել բնագիտական մտածողության հմտություններ՝ դիտարկում, մոդելավորում, ընդհանրացում, հիպոթեզների առաջադրում, զարգացնել ինֆորմացիայի տարբեր ձևերով ընկալման և արտահայտման կարողություն (գրաֆիկներ, աղյուսակներ, բանաձևեր, մոդելներ), տալ ֆիզիկայի հիմունքների և հիմնական հասկացությունների գիտելիքներ՝ տեսական ու կիրառական մակարդակներով, ձևավորել փորձարարական հմտություններ՝ չափում, դիտարկում, վերլուծություն, արդյունքների ձևակերպում, սխալների գնահատում, զարգացնել թիմային աշխատանքի հմտություններ՝ համագործակցություն, խնդիրների համատեղ լուծում:
Նախնական պատրաստվածության պահանջներ Սովորողը պետք է կարողանա՝ հասկանալ և վերարտադրել հայերեն տեքստեր, կատարել թվաբանական գործողություններ ամբողջ, կոտորակային, տասնորդական թվերի հետ, լուծել պարզ հավասարումներ (օրինակ՝ ax+b=0ax + b = 0ax+b=0), ճանաչել երկրաչափական պատկերներ և դրանց հատկությունները, դիտարկել և նկարագրել երևույթներ, բացահայտել դրանց հիմնական հատկանիշները:
Դասավանդման մեթոդաբանություն Նախագծային ուսուցում՝ անհատական և խմբային ձևաչափով, Լաբորատոր, փորձարարական և հետազոտական աշխատանքներ, Ներկայացումների, թեստերի, բանավոր-գրավոր պատասխանների օգտագործում, ՏՀՏ ինտեգրացում՝ համացանց, սիմուլյացիաներ, վիզուալիզացիա:
Սովորողների ձեռքբերելիք կարողություններ Սովորողը պետք է կարողանա՝ վերլուծել և բացատրել շրջակա միջավայրի ֆիզիկական երևույթներ, կազմել և պաշտպանել ուսումնական նախագծեր, օգտվել ժամանակակից չափիչ սարքերից, ապահովել դրանց անվտանգ օգտագործումը, գնահատել ֆիզիկայի դերը բնապահպանության, էներգետիկայի, տեխնիկայի ոլորտներում:
Օգտագործվող տեղեկատվական տեխնոլոգիաներ․ Նոթբուք/նետբուք՝ որպես ուսումնական գործիք, Սիմուլյացիոն ծրագրեր՝ փորձերի մոդելավորման համար (PhET, Algodoo և այլն), Համակարգչային լաբորատորիաներ, վիրտուալ փորձեր, ChatGPT, Արհեստական բանականության գործիքներ, Ներկայացումների պատրաստում, ինտերակտիվ նյութերի ստեղծում:
Ուսումնական ճամփորդություններ. 7-րդ դասարան՝ Մեխանիկական արտադրամաս Շինհրապարակ Տիեզերքի թանգարան Բյուրականի աստղադիտարան Քարահունջ 8-րդ դասարան՝ ՋԷԿ, ՀԷԿ, արևային կայաններ (օրինակ՝ SOLARA) Օդերևութաբանական կայան Երևանի ֆիզիկայի ինստիտուտ ԵՊՀ Ֆիզիկայի ֆակուլտետ 9-րդ դասարան՝ Էլեկտրատեխնիկական գործարան Մեծամորի ԱԷԿ ՀԱԷԿ-ի մոդելային վարժարան (եթե հասանելի է)
Գնահատման համակարգ. Թեմատիկ թեստեր և ամփոփիչներ Գործնական և լաբորատոր աշխատանքներ Նախագծերի ներկայացում Խմբային և անհատական բանավոր հարցազրույցներ Ինքնուրույն հետազոտական աշխատանքների արդյունքների պաշտպանություն
Առաջարկվող գրականություն. Է. Ղազարյան և համահեղինակներ՝ Ֆիզիկա 7–9 Ա. Վ. Պյորշկին, Ն. Ա. Ռոդինա՝ Ֆիզիկա 7–9 Վ. Ի. Լուկաշիկ՝ Ֆիզիկայի խնդիրների ժողովածու 7–8 դասարանների համար Թվային ռեսուրսներ՝ Khan Academy, PhET Simulations, YouTube դասընթացներ, Moodle հարթակ:
Ծրագիրը կազմեց՝ Նունե Թեմուրյան